🇮🇳 ‘वोट बचाओ, देश बचाओ’ महा-रॅलीसाठी दिल्ली येथे काँग्रेसचा एल्गार!राहुल गांधी यांच्या नेतृत्वात १ नोव्हेंबरला रामलीला मैदानावर भव्य जाहीर सभा

अकोला : देशातील मतदानाचा अधिकार अबाधित ठेवणे, मतदारांच्या हक्कांचे संरक्षण करणे आणि निवडणूक आयोगाच्या भूमिकेबाबत उपस्थित करण्यात येणाऱ्या प्रश्नांकडे लक्ष वेधण्यासाठी काँग्रेसच्या वतीने ‘वोट बचाओ, देश बचाओ’ महा-रॅलीचे आयोजन करण्यात आल्याचे आवाहन करण्यात आले आहे. लोकसभेतील विरोधी पक्षनेते तथा काँग्रेस नेते राहुल गांधी यांच्या नेतृत्वात १ नोव्हेंबर २०२६ रोजी नवी दिल्ली येथील रामलीला मैदानावर सकाळी १० वाजता ही जाहीर सभा आयोजित करण्यात येणार असल्याचे प्रसिद्धीपत्रकात नमूद आहे.
या सभेला INDIA आघाडीतील घटक पक्षांचे राष्ट्रीय नेते उपस्थित राहणार असल्याचे आयोजकांनी सांगितले आहे. मतदानाचा अधिकार, लोकशाही मूल्ये आणि भारतीय संविधानाच्या संरक्षणाचा मुद्दा या सभेच्या केंद्रस्थानी राहणार आहे.
या महा-रॅलीत सहभागी होण्यासाठी अकोला जिल्ह्यातील काँग्रेस कार्यकर्ते, पदाधिकारी आणि नागरिकांनी दिल्लीला उपस्थित राहावे, असे आवाहन करण्यात आले आहे. ट्रेन, बस किंवा खासगी वाहनाने दिल्ली येथे पोहोचून या सभेत सहभागी होण्याचे आवाहन काँग्रेसच्या वतीने करण्यात आले आहे.
“चलो दिल्ली! चलो दिल्ली! चलो दिल्ली!” असा नारा देत लोकशाही आणि संविधानाच्या संरक्षणासाठी मोठ्या संख्येने सहभागी होण्याचे आवाहन अकोला जिल्हा काँग्रेस कमिटीचे अध्यक्ष प्रकाश तायडे यांनी केले आहे.
विनीत : प्रकाश तायडे अध्यक्ष, अकोला जिल्हा काँग्रेस कमिटी