पातूर तालुक्यात उष्णतेचा कहर; तापमान ४४.७°C पर्यंत, पावसाचा लवलेश नाही

पातूर (प्रतिनिधी): पातूर तालुक्यात आज प्रचंड उष्णतेची नोंद झाली असून नागरिकांना उकाड्याचा मोठा त्रास सहन करावा लागत आहे. आजचे किमान तापमान ३१.४ अंश सेल्सिअस तर कमाल तापमान तब्बल ४४.७ अंश सेल्सिअस इतके नोंदविण्यात आले आहे.
हवामान विभागाच्या अंदाजानुसार आज दिवसभर आकाश निरभ्र राहिले असून पावसाची कोणतीही शक्यता नसल्याचे स्पष्ट करण्यात आले आहे. त्यामुळे उन्हाचा तडाखा अधिक तीव्र जाणवत आहे.
दरम्यान, आर्द्रतेचे प्रमाण केवळ ८% ते १६% दरम्यान असल्याने हवेत कोरडेपणा वाढला आहे. वाऱ्याचा वेग सुमारे ८ कि.मी./तास इतका कमी असल्याने उष्णतेपासून कोणताही दिलासा मिळत नाही.
या उष्णतेमुळे नागरिकांनी दुपारच्या वेळेत शक्यतो बाहेर पडणे टाळावे, भरपूर पाणी पिण्याचा सल्ला आरोग्य तज्ज्ञांनी दिला आहे. शेतकरी व मजूर वर्गालाही या तीव्र उन्हाचा मोठा फटका बसत असल्याचे चित्र आहे.